पुणे: कोंढवा पोलीस स्टेशनच्या हद्दीत बेकायदेशीरपणे ई-सिगारेट (वेब) आणि वैधानिक इशारा नसलेल्या तंबाखूजन्य पदार्थांची विक्री करणाऱ्या एका इसमावर कोंढवा पोलिसांनी धडक कारवाई केली आहे. या कारवाईत पोलिसांनी ४५ हजार १८० रुपयांचा प्रतिबंधित ई-सिगारेट आणि सिगारेटचा साठा जप्त केला असून, आरोपीविरुद्ध गुन्हा दाखल करण्यात आला आहे.
कारवाईची पार्श्वभूमी व घटना
दिनांक २३ जुलै २०२६ रोजी कोंढवा पोलीस स्टेशनचे वरिष्ठ पोलीस निरीक्षक संतोष खेतमाळीस, पोलीस उप-निरीक्षक रविंद्र गावडे आणि पोलीस अंमलदार कोंढवा परिसरात हद्दीत गस्त (पेट्रोलिंग) घालत होते. यादरम्यान पोलीस अंमलदार पटेल व शेख यांना त्यांच्या खबऱ्यामार्फत गुप्त माहिती मिळाली की, पारगेनगर, कोंढवा खुर्द येथील ‘सुफी पान टपरी’ येथे एक इसम कोणताही वैधानिक इशारा नसलेल्या तंबाखूजन्य सिगारेट आणि ई-सिगार (वेब) ची बेकायदेशीर विक्री करत आहे.
मिळालेल्या माहितीच्या आधारे पोलिसांनी तात्काळ संबंधित ठिकाणी छापा टाकला. पाहणीदरम्यान एका कापडी बॅगेमध्ये ELFBAR कंपनीचे वेगवेगळ्या हुक्का फ्लेवरचे ई-सिगार (वेब) व विना-वैधानिक इशारा असलेल्या तंबाखूजन्य सिगारेट मिळून आल्या.
आरोपीची माहिती व गुन्हा दाखल
पोलिसांनी घटनास्थळावरून माल विकणाऱ्या इसमाला ताब्यात घेतले. त्याचे नाव विचारले असता त्याने आपले नाव रेहान आरिफ पठाण (वय २२ वर्षे, रा. युनिटी पार्क, स.नं. ४२, कोंढवा खुर्द, पुणे) असल्याचे सांगितले.
त्याच्या ताब्यातील ४५,१८०/- रुपये किमतीचा मुद्देमाल जप्त करण्यात आला असून, त्याच्याविरुद्ध कोंढवा पोलीस स्टेशनमध्ये गु.र.नं. ५६०/२०२६ नुसार खालील कायद्यांतर्गत गुन्हा दाखल करण्यात आला आहे:
- इलेक्ट्रॉनिक सिगारेट उत्पादन, आयात, निर्यात, वाहतूक, विक्री, साठवणूक आणि जाहिरात प्रतिबंध अधिनियम, २०१९ चे कलम ७ व ८.
- सिगारेट व तंबाखूजन्य इतर उत्पादने (जाहिरात प्रतिबंध आणि व्यापार, वाणिज्य, उत्पादन, पुरवठा आणि वितरण विनियमन) अधिनियम, २००३ व २००४ चे कलम ७ (२), २० (२).
पोलीस पथक
सदरची यशस्वी कारवाई अपर पोलीस आयुक्त (पूर्व प्रादेशिक विभाग, पुणे शहर) मनोज पाटील, पोलीस उपायुक्त (परिमंडळ ५) राजलक्ष्मी शिवणकर, आणि सहायक पोलीस आयुक्त (वानवडी विभाग) रामदास इंगवले यांच्या मार्गदर्शनाखाली वरिष्ठ पोलीस निरीक्षक संतोष खेतमाळीस व पोलीस निरीक्षक (गुन्हे) प्रशांत मंडले यांच्या सूचनांनुसार खालील पोलीस अंमलदार व अधिकाऱ्यांच्या पथकाने पार पाडली:
- पोउपनि रविंद्र गावडे
- पोलीस अंमलदार: रविंद्र चिप्पा, मेमाणे, अमोल हिरवे, रियाज पटेल, रशिद शेख, संतोष बनसुडे, सुरज शुक्ला, पुष्पेन्द्र चव्हाण, केशव हिरवे, अमित सुर्यवंशी, राहुल शेलार, ओंकार शेटे, रासगे आणि शाहिद रजपुत.
More Stories
पुणे विद्यापीठात डिग्रीचा बाजार? ३ लाखांत मिळतेय B.Com ची बनावट पदवी; रिक्षाचालकाच्या सतर्कतेमुळे खळबळ…
दिल्लीतील जंतरमंतर लाठीहल्ल्याच्या निषेधात लोणी काळभोर येथे भव्य मोर्चा संपन्न; सर्वपक्षीय कार्यकर्ते व नागरिकांचा सहभाग…
बारामतीत हायवा टिपर चोरी करणाऱ्या आंतरजिल्हा टोळीचा पर्दापाश; ८ लाखांचा मुद्देमाल जप्त, दोन आरोपी जेरबंद…