‘करोडोंचा महाल किंवा विमानं बुक केली नव्हती’; सियाच्या वडिलांचा लग्नाच्या खर्चाबाबत खुलासा….

पुण्यातील उद्योजक केतन अग्रवाल मृत्यू प्रकरणाच्या तपासादरम्यान त्याची मंगेतर सिया हिच्या कुटुंबाबाबत विविध चर्चा सुरू आहेत. याच पार्श्वभूमीवर सियाच्या वडिलांनी लग्नासाठी कोट्यवधी रुपयांचा खर्च, आलिशान महाल आणि खासगी विमानांची व्यवस्था करण्यात आल्याच्या चर्चांना फेटाळून लावले आहे. 

त्यांनी माध्यमांशी बोलताना सांगितले की, “आमच्याकडे कोट्यवधी रुपयांचा महाल बुक करण्याची किंवा पाहुण्यांसाठी विमानांची व्यवस्था करण्याची आर्थिक क्षमता नव्हती. सोशल मीडियावर आणि काही ठिकाणी फिरत असलेल्या आकडेवारीचा वास्तवाशी कोणताही संबंध नाही.”

सियाच्या वडिलांनी पुढे सांगितले की, लग्न साध्या पद्धतीने करण्याचे नियोजन होते. या प्रकरणामुळे अनेक अफवा पसरत असून वस्तुस्थिती तपासाअंतीच स्पष्ट होईल, असेही त्यांनी नमूद केले.

दरम्यान, केतन अग्रवाल मृत्यू प्रकरणाचा तपास पोलीसांकडून सुरू असून विविध पैलूंची चौकशी केली जात आहे. तपास पूर्ण होईपर्यंत अफवांवर विश्वास न ठेवण्याचे आवाहनही करण्यात येत आहे.